AGAJA
KUYO

BARUPE

WECHE DONGRUOK

MBAKA

NONRO

JEXJALUO ****

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE

;

 
  
 

Ochungo.. ango' ma ili mondo agwonyni?

Ochungo,

En ang'oma ili ondiek mondo agwonyni? In kendi ema ikaso iwi e wachni  ipingori koda to ikia dhawoni kore gatache? Remo pek ne pi ! we bedo andhoga. Gima ibiro yude onge. Ji ni koda te nyaka jorabuon. Ngani kedo kod dongruok mar nyikwa Ramogi. Bende ing'eyo gima omiyo thumbena ok odwa? Ikia. Koro to en johana mane ma ohanie, kata mariko mane ma orikie, ma in ng'at  achiel kendi ema idwaro ni mondo alerni gima omiyo amulo ne Makali adiera kwon bel? 

Wek keto kori e weche mikia inyalo kol tiend ng'ato e pieri. An chunya rach kwerena ne ogore e lweny ng'ama bwoga onge. Ji kaka in ema pod Makali bwogo gi tije no. Mana kaka agwambo ne onyiso kibaki, ok achiem odi, kendo ok inena e bath ong'edi. Makali omiyo joma ne onego wuod Mbayi dhi wuok e od ang'ech nyalodia.

Ok odwar thumbena nikech apako dongruok nyikwa Ramogi. Thumbena gin wende ma yombe yombe  ngeche Luo kendo awer gi dho jorateng' ma Amerika (nigga) to muoch kapolo makama intie wiyi ema bari.

Higa mokalo ne agolo thum moro ni joluo ni ngero ni ka "koth chwe to chieng' rieny ondiek onywol e wang'ayo" joma ne okwongo winje ne omedo jiwa ni daber ka agolo thumbe machal kamano mondo nyikwa Ramogi opuonjre ngeche gi. Ajos wuon Abila ne odhi Narobi e od nyakalondo mar Ramogi FM kama ojabedo ka odhie goyo mbaka kod jaduong' Agawo Patrobas, Mother Nyar-Gojung'a kod  jorieko mamoko.. bang'e ne ondiko ni akow pado e Ramogi.

Thumno DJ's mag Ramogi rodho odiechieng' kata dipar. Dhi Kisumo e bustand ine kaka manamba chamo miel kasama igoye e radio. Jorieko kaka Bob Awuor wuod Japuonj e joma ne okwongo winjo thuma ma ne akwongo golo higa ma okalo..Bob ne ondikona ma owachona ni thumno ji odunyo miel London nyowuoyo..chakre kanyo asegolo thumbe aboro masani twaro e piny chakre Atlanta, New York, Calgary, Albarta, Amsterdam, Bonn, Tokyo, Madrid, Sidney, Nairobi, Sao Paula kata mana Jo'berg. Kama adakie Georgia ka ji wacho dholuo kendo thum mitne gi mit kisumo. Nigga otwoni gi dok e roots...Wayoga kende! koro joma piem koda okwanyo nono.

Koro ja-mwano neno nyiego ni to joluogi gin ema gimako duto?  Sani ka in onagi nyaka itang' wek gorie gik mogo kod agogi... to moloyo ka nyawadu loso gire moro to ng'ato dwa pukone mogo, to nyaka ikonye go lweny. Kik ichal joma ka gineno ka ng'ato ni gi gire moro to gidhine ka jokingo..

Nyakalaga mono olagre gi Nyikwa Ramogi. Lemne uru agwambo kod woud Kogelo makoro dwa kawo kom e piny jo libamba .. haya joma swtoumgi koro olokne jomwa gima andikonu kanyono..e dhok magiwinjo... ng'ama aidha moro oidho ma oloko gini to satan ogol... we uru ochungo olokne gi..

Wayoga Odhis Nyakwar Seko gOrwa

Ka in gi mari moro ma di wandik ka to orni
Akelo nyar Kager,        kata wuon Abila,                   kata  Awino Rayier
jaluo@jaluo.com     wuonAbila@jaluo.com     awinorayier@hotmail.com
Daher winjo dwondi in bende, iwinjo?

Inyalo oro twak kod weche manyien ne: Mig. Ajos wuod Atiga
  WuonAbila@jaluo.com

GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam. 

WENDO MIWA PARO

OD PAKRUOK